Ўзбекистон Президенти Шавкат Мирзиёйев ўз нутқида "Жаҳолатга қарши маърифат" тамойили асосида илм-фан ва таълим соҳаларида ҳамкорликни янги босқичга кўтариш ташкилотга аъзо давлатлар олдида турган муҳим ва долзарб вазифалардан бири эканини таъкидлади.
Шунингдек, ёшлар орасида ёт ва бузғунчи ғоялар тарқалишининг олдини олиш мақсадида туркий давлатлар маконида экстремистик ва радикал мафкурага қарши курашишга қаратилган Ҳаракатлар режасини қабул қилиш, исломофобиянинг ҳар қандай кўринишларига қарши курашиш борасида ҳам яқин мулоқотларни давом эттириш таклифларини билдирди.
Дарҳақиқат, бугунги кунда экстремизм ва радикализм таҳдидлари нафақат миллий ёки минтақавий, балки халқаро миқёсдаги глобал муаммога айланиб улгургани ҳеч кимга сир эмас. Шу сабабли, бугунги кунда мазкур таҳдидларга қарши курашни тизимли ташкил этиш, аҳоли, айниқса ёшларни мутаассиб ва бузғунчи ғоялар таъсиридан самарали ҳимоя қилишга қаратилган чора-тадбирларни амалга ошириш бутун жаҳон жамоатчилиги олдида турган муҳим вазифалардан бири ҳисобланади.
Комилжон Шермухамедов,
Имом Мотуридий халқаро-илмий тадқиқот маркази директори
Манба: "Халқ сўзи" газетаси (ҳттпс://т.ме/газеталар_шарҳи/38383)
