Oʻzbekiston Prezidenti Shavkat Mirziyoyev oʻz nutqida "Jaholatga qarshi maʼrifat" tamoyili asosida ilm-fan va taʼlim sohalarida hamkorlikni yangi bosqichga koʻtarish tashkilotga aʼzo davlatlar oldida turgan muhim va dolzarb vazifalardan biri ekanini taʼkidladi.
Shuningdek, yoshlar orasida yot va buzgʻunchi gʻoyalar tarqalishining oldini olish maqsadida turkiy davlatlar makonida ekstremistik va radikal mafkuraga qarshi kurashishga qaratilgan Harakatlar rejasini qabul qilish, islomofobiyaning har qanday koʻrinishlariga qarshi kurashish borasida ham yaqin muloqotlarni davom ettirish takliflarini bildirdi.
Darhaqiqat, bugungi kunda ekstremizm va radikalizm tahdidlari nafaqat milliy yoki mintaqaviy, balki xalqaro miqyosdagi global muammoga aylanib ulgurgani hech kimga sir emas. Shu sababli, bugungi kunda mazkur tahdidlarga qarshi kurashni tizimli tashkil etish, aholi, ayniqsa yoshlarni mutaassib va buzgʻunchi gʻoyalar taʼsiridan samarali himoya qilishga qaratilgan chora-tadbirlarni amalga oshirish butun jahon jamoatchiligi oldida turgan muhim vazifalardan biri hisoblanadi.
Komiljon Shermuxamedov,
Imom Moturidiy xalqaro-ilmiy tadqiqot markazi direktori
Manba: "Xalq soʻzi" gazetasi (https://t.me/gazetalar_sharhi/38383)
