Markaz xodimi xalqaro anjumanda ishtirok etmoqda
Joriy yilning 14-16-oktyabr kuni Samarqanddagi Imom Buxoriy xalqaro ilmiy-tadqiqot markazida "Qoʻlyozma manbalar madaniyati" III xalqaro simpoziumi va uning doirasida "Qoʻlyozma asarlarga egalik va ularning yoyilishi: Imom Buxoriy va hadis qoʻlyozmalari" mavzusidagi xalqaro anjuman boʻlib oʻtmoqda.
Anjuman ishida mahalliy va xorijiy tadqiqotchilar, ilmiy markazlar vakillari, jumladan, Imom Moturidiy xalqaro ilmiy-tadqiqot markazi direktori oʻrinbosari ham ishtirok etmoqda. Tadbirda Imom Buxoriyning boy ilmiy merosini chuqur oʻrganish va qoʻlyozma manbalarni asrab-avaylashning dolzarb masalalari muhokama qilindi.
Xususan, tadbir dasturi doirasida Sh. Islomov oʻzining "Imom Buxoriyning "Al-Qiroat-u xolfa-l-imam" asarida fiqhiy masalalar tahlili" mavzusidagi maʼruzasi bilan qatnashib, buyuk muhaddisning fiqh ilmiga qoʻshgan hissasini qoʻlyozma manbalar asosida chuqur tahlil qilib berdi.
