Марказ ходими халқаро анжуманда иштирок этмоқда
Жорий йилнинг 14-16-октябр куни Самарқанддаги Имом Бухорий халқаро илмий-тадқиқот марказида "Қўлёзма манбалар маданияти" ИИИ халқаро симпозиуми ва унинг доирасида "Қўлёзма асарларга эгалик ва уларнинг ёйилиши: Имом Бухорий ва ҳадис қўлёзмалари" мавзусидаги халқаро анжуман бўлиб ўтмоқда.
Анжуман ишида маҳаллий ва хорижий тадқиқотчилар, илмий марказлар вакиллари, жумладан, Имом Мотуридий халқаро илмий-тадқиқот маркази директори ўринбосари ҳам иштирок этмоқда. Тадбирда Имом Бухорийнинг бой илмий меросини чуқур ўрганиш ва қўлёзма манбаларни асраб-авайлашнинг долзарб масалалари муҳокама қилинди.
Хусусан, тадбир дастури доирасида Ш. Исломов ўзининг "Имом Бухорийнинг "Ал-Қироат-у холфа-л-имам" асарида фиқҳий масалалар таҳлили" мавзусидаги маърузаси билан қатнашиб, буюк муҳаддиснинг фиқҳ илмига қўшган ҳиссасини қўлёзма манбалар асосида чуқур таҳлил қилиб берди.
