Yangiliklar
Markaz xodimi xalqaro anjumanda ishtirok etmoqda
Joriy yilning 14-16-oktyabr kuni Samarqanddagi Imom Buxoriy xalqaro ilmiy-tadqiqot markazida "Qo‘lyozma manbalar madaniyati" III xalqaro simpoziumi va uning doirasida "Qo‘lyozma asarlarga egalik va ularning yoyilishi: Imom Buxoriy va hadis qo‘lyozmalari" mavzusidagi xalqaro anjuman bo‘lib o‘tmoqda.
Anjuman ishida mahalliy va xorijiy tadqiqotchilar, ilmiy markazlar vakillari, jumladan, Imom Moturidiy xalqaro ilmiy-tadqiqot markazi direktori o‘rinbosari ham ishtirok etmoqda. Tadbirda Imom Buxoriyning boy ilmiy merosini chuqur o‘rganish va qo‘lyozma manbalarni asrab-avaylashning dolzarb masalalari muhokama qilindi.
Xususan, tadbir dasturi doirasida Sh. Islomov o‘zining "Imom Buxoriyning "Al-Qiroat-u xolfa-l-imam" asarida fiqhiy masalalar tahlili" mavzusidagi ma’ruzasi bilan qatnashib, buyuk muhaddisning fiqh ilmiga qo‘shgan hissasini qo‘lyozma manbalar asosida chuqur tahlil qilib berdi.
