Анқара Йилдирим Боязид университетида учрашув
Имом Мотуридий халқаро илмий-тадқиқот маркази вакилларининг Туркияга сафари доирасида Анқара Йилдирим Боязид университети (АЙБÜ) Илоҳиёт факултетида учрашув ўтказилди.
Унда АЙБÜ Илоҳиёт факултети декани проф. др. Нури Адигузел, факултет профессори Аҳмет Йилдирим ҳамда Имом Мотуридий халқаро илмий-тадқиқот маркази директори Комилжон Шермухамедов, Марказ бўлим бошлиғи Ойбек Сотволдийев, Марказнинг Туркиядаги махсус вакили Абдумалик Тўйчибойев қатнашди.
Учрашувда икки томонлама ҳамкорлик алоқаларини янада такомиллаштириш юзасидан чора-тадбирлар муҳокама қилиниб, 2026-2027-йилларга мўлжалланган қўшма йўл харитасини имзолаш бўйича келишувга эришилди.
Йўл харитасига ўзаро ҳамкорликда мотуридийлик бўйича симпозиум ва конференсиялар ўтказиш, университет профессор-ўқитувчиларини Имом Мотуридий халқаро стипендиясига жалб этиш, шунингдек, университетнинг Илоҳиёт факултетида Ўзбекистондаги Имом Мотуридий халқаро илмий-тадқиқот маркази хонасини ташкил этиш каби масалаларни киритиш белгилаб олинди.
