✍️ Имом Мотуридий халқаро илмий-тадқиқот маркази ходимлари халқаро илмий семинарда иштирок этдилар
2025-йил 30-июн куни Малайзиянинг Ислом сивилизацияси институтида Имом Мотуридий халқаро илмий-тадқиқот маркази билан ҳамкорликда "Ислом сивилизацияси олимлари" мавзусидаги В халқаро илмий семинар ўтказилди.
✔️Мусулмон олимларининг илм-фан, фалсафа ва сивилизация ривожига қўшган ҳиссасини ўрганиш ва кенг тарғиб қилишга бағишланган илмий тадбирда Ўзбекистон томонидан Ўзбекистон халқаро исломшунослик академияси, Тошкент давлат шарқшунослик институти, Ҳадис илми мактаби профессор-ўқитувчилари, Ўзбекистондаги Ислом сивилизацияси маркази, Имом Бухорий, Имом Мотуридий ва Имом Термизий халқаро илмий-тадқиқот марказларининг илмий ходимлари иштирок этдилар.
⌛️ Хусусан, Имом Мотуридий халқаро илмий-тадқиқот марказидан директор ўринбосари Шаҳзод Исломов "Султон Улуғбекнинг илмий қиёфаси" , бўлим бошлиқлари Зафар Фахриддинов "Муҳаммад Ҳаким Термизийнинг ақидавий қарашлари", Ойбек Сотволдийев "Мовароуннаҳрда ислом илмларининг шаклланиши ва ривожланиши" мавзуларида маъруза қилдилар.
✏️Семинар мақсади Ўзбекистон ҳудудида етишиб чиққан уламоларнинг ислом сивилизациясига қўшган беқиёс ҳиссаси бўйича тадқиқотлар натижаларини алмашиш, Ўзбекистон ва Малайзиядаги ёш авлод учун тарих ва ислом силсиласи ҳақидаги билимларни тарқатиш, ҳар икки давлат институтлари ўртасидаги илмий ҳамкорликни мустаҳкамлашдан иборат.
