✍️2024-йилнинг 1-ноябр санасида Туркия Республикасининг Коня шаҳрида Салжуқ университети ва Имом Мотуридий халқаро илмий-тадқиқот маркази ҳамкорлигида ўтказилаётган “Усмонийлар даврида ҳанафийлик-мотуридийлик” мавзусидаги ВИ халқаро мотуридийлик симпозиуми ўз ишини бошлади.
Симпозиумда Туркиянинг Салжуқ университети, Анқара университети, Сулаймон Демирел университети, 19-май университети, Ҳатай Мустафо Камол университети, Анқара ижтимоий фанлар университети, Истанбул маданият университети профессор-ўқитувчилари ва тадқиқотчилари, Имом Мотуридий халқаро илмий-тадқиқот маркази ходимлари, Туркия Диёнат ишлари бошқармаси ҳамда Коня шаҳри маъмурияти масъуллари иштирок этмоқдалар.
Симпозиум доирасида Имом Мотуридийнинг ҳаёти ва илмий мероси, у асос солган мотуридийлик таълимотининг Усмонийлар империяси диний-ижтимоий ҳаёти ривожида тутган ўрни, унга хос бўлган бағрикенглик ва мўтадиллик тамойилларининг замонавий аҳамияти каби мотуридийлик таълимотини ўрганишга оид бир қатор муҳим масалалар муҳокама қилинади.
