"Диний таълим муассасаларида ақида фанини ўқитишнинг долзарб масалалари" мавзусида семинар-тренинг
2025-йил 29-сентябр куни Имом Мотуридий халқаро илмий-тадқиқот маркази томонидан "Диний таълим муассасаларида ақида фанини ўқитишнинг долзарб масалалари" мавзусидаги семинар-тренинг ўтказилди.
Ушбу тадбир Ўзбекистон Республикаси Президентининг 2025-йил 21-апрелдаги 68-сон Фармонида белгиланган Имом Мотуридий халқаро илмий-тадқиқот марказининг диний таълим муассасаларига илмий-тадқиқот ва ўқув-услубий масалаларда ҳамда педагог кадрлар ва диний ходимларнинг малакасини ошириб боришда амалий ёрдам кўрсатиш бўйича юклатилган топшириқ ижроси доирасида ташкил этилди.
Семинарда Марказ директори К.Шермухамедов сўзга чиқиб, Имом Мотуридий халқаро илмий-тадқиқот маркази томонидан мотуридийлик таълимотини тадқиқ этиш бўйича амалга оширилаётган лойиҳалар ҳақида маълумот берди.
Шундан сўнг, Марказ бўлим бошлиғи А. Аллоқулов "Мотуридийлик таълимотини ўқитиш методикаси" мавзусида маъруза қилди. Маърузада мотуридийлик таълимотининг долзарб масалаларини ўқитишда замонавий педагогик технологияларидан фойдаларишнинг аҳамияти ҳақида сўз юритилди.
Семинар савол-жавобларга бой бўлди.
