Таниқли мотуридийшунос олим, профессор Ҳамза Бакрий иштирокида малака ошириш дарслари бошланди
Имом Мотуридий халқаро илмий-тадқиқот маркази томонидан таниқли мотуридийшунос олим, Истанбул университети Илоҳиёт факултети профессори, доктор Ҳамза Бакрий иштирокида ўқув семинари бошланди.
Семинарда доктор Ҳамза Бакрий ХИИ асрда юртимизда яшаб ижод қилган буюк аллома Аб-у Бакр ибн Масъуд Косонийнинг "ал-Муътамад фи-л-муътақад" асарини шарҳлаб, ушбу асар асосида замонавий мутаассиб оқимларга илмий раддия бериш методологиясини тушунтириб берди.
Мазкур ўқувларда Имом Мотуридий халқаро илмий-тадқиқот маркази илмий ходимлари, Ўзбекистон халқаро исломшунослик академияси профессор-ўқитувчилари ва тадқиқотчилари, Имом Бухорий номидаги Тошкент ислом иститути, "Кўкалдош" ўрта махсус ислом билим юрти, Қозоғистон ва Қирғизистондан диний таълим муассасаларининг ақида фани устозлари, мутахасислар иштирок этмоқда.
Ўзаро баҳс-мунозара ҳамда савол-жавобга бой ўтган маъруза якунида иштирокчилар ўзларини қизиқтирган барча саволларга илмий асосланган қониқарли жавобларни олдилар.
