2024 yil 22 oktyabr kuni Malayziyaning Islom madaniyati institutida “Imom Buxoriy ilmiy merosini örganişda zamonaviy yondaşuvlar” mavzusida xalqaro konferensiya ötkazildi.
Imom Buxoriy hayoti va ilmiy merosini örganişga bağişlangan tadbirda Malayziya milliy universiteti, Malayziya islom madaniyati instituti, Malayziya xalqaro islom universiteti, Zahra fondi, Malayziya xalq taʼlimi vazirligi, Qurʼon va sunnatni örganiş ilmiy-tadqiqot markazi, Malayziya islom ilmlari universiteti, Malayziya Utar universiteti, Özbekistonning Malayziyadagi elçixonasi rahbariyati,Özbekiston xalqaro islom akademiyasi, Imom Buxoriy va Imom Moturidiy xalqaro ilmiy-tadqiqot markazlari vakillari, professor-öqituvçilar hamda tadqiqotçilar iştirok etdilar. Anjumanda Imom Moturidiy xalqaro ilmiy-tadqiqot markazi direktori Jamoliddin Karimov “Globallaşuv şaroitida hadislarning mazmunini töğri tuşuniş: muammo va yeçimlar”, Özbekiston xalqaro islom akademiyasi dotsenti Durbek Rahimjonov "Movarounnahr ulamolarining hadis ilmi rivojida tutgan örni" mavzusida maʼruza qildilar. Şuningdek, anjuman asnosida Markaz tomonidan tayyorlangan “Kitob at-tavhid” asari zamonaviy naşrining taqdimoti ham ötkazildi.
Konferensiyada iştirok etgan malayziyalik olim va mutaxassislar Özbekiston zaminidan yetişib çiqqan allomalar, xususan, Imom Buxoriyning jahon ilm-fani va sivilizatsiya rivojiga qöşgan bebaho hissasini yuqori baholadilar.
