Кембриж коллежи доктори билан онлайн семинар
2025-йил 8-июл куни Кембриж Мусулмон коллежи доктори, мотуридийшунос олим Рамон Харвей иштирокида онлайн семинар ўтказилди.
Семинарда доктор Р.Харвийнинг "Трансцендент Год, Ратионал Ворлд: А Матуриди Тҳеологй" (Олий зот ва рационал олам: мотуридийлик ақидаси) номли китобида кўтарилган мотуридийшуносликка оид масалалар қизғин муҳокама қилинди.
Семинарни Имом Мотуридий халқаро илмий-тадқиқот маркази директори Ж.Каримов очиб, сўнгги йилларда Имом Мотуридий халқаро илмий-тадқиқот маркази ва Британия илмий жамоатчилиги билан ҳамкорлик алоқалари ривожланиб бораётгани, бунинг амалий тасдиғи сифатида жорий йил 29-30-апрел кунлари Самарқандда ўтказилган конференсияда британиялик таниқли мотуридийшунос олим иштирок этганини таъкидлади.
Доктор Рамон Харвей ўз маърузасида Имом Мотуридий таълимотининг ақл ва мантиққа асосланган илмий тизими ҳамда унинг замонавий ақидавий масалаларга ечим топишдаги аҳамияти ҳақида сўз юритди.
Китобда баён этилган фикрлар семинар иштирокчилари томонидан атрофлича таҳлил қилинди ва жонли муҳокамаларга сабаб бўлди. Онлайн семинарда Имом Мотуридий, Имом Бухорий, Имом Термизий халқаро илмий-тадқиқот марказларининг илмий ходимлари, шунингдек, Ўзбекистон халқаро исломшунослик академияси профессор-ўқитувчилари ва тадқиқотчилари (40 нафар) иштирок этдилар.
Иштирокчилар ўзларини қизиқтирган масалалар юзасидан Р.Харвейга саволлар бердилар. Таъкидлаш керакки, мазкур семинар ислом ақидаси ва фалсафаси соҳасидаги халқаро илмий ҳамкорликни мустаҳкамлаш, мотуридийлик таълимоти асосларини чуқур ўрганиш ҳамда ёш тадқиқотчиларнинг илмий салоҳиятини оширишда муҳим аҳамият касб этади.
