Англашув меморандумлари имзоланди
Аввал хабар берилганидек, 21-22-ноябр кунлари Туркиянинг Коня шаҳрида бўлиб ўтган ВИИ Халқаро Мотуридийлик симпозиумида Имом Мотуридий халқаро илмий-тадқиқот маркази вакиллари ҳам иштирок этди.
Симпозиум доирасида Имом Мотуридий халқаро илмий-тадқиқот маркази ҳамда Салжуқ университети Илоҳиёт факултети, Салжуқ университетининг Имом Мотуридий амалиёт ва тадқиқот маркази ўртасида уч томонлама Англашув Меморандуми имзоланди.
Меморандум доирасида ўзаро ҳамкорликнинг истиқболдаги йўналишлари белгилаб олинди. Хусусан, томонлар ўртасида Имом Мотуридий ва мотуридийлик бўйича мавжуд қўлёзмаларни ўрганиш ва қўшма тадқиқот лойиҳаларини амалга ошириш, конференсия ва илмий семинарлар ўтказиш, илмий ахборот ва тажриба алмашинуви каби бир қатор йўналишларда ҳамкорлик қилишга келишиб олинди.
Шунингдек, Имом Мотуридий халқаро илмий-тадқиқот маркази ҳамда Салжуқ университетининг Имом Мотуридий амалиёт ва тадқиқот маркази ўртасида аввал имзоланган Англашув Меморандуми кейинги муддатга узайтирилди.
