✍️ Экстремизмга қарши кураш бўйича ал-Азҳар обсерваториясига ташриф
Имом Мотуридий халқаро илмий-тадқиқот маркази делегацияси Мисрдаги “Экстремизмга қарши кураш бўйича ал-Азҳар обсерваторияси” фаолияти билан танишди.
Учрашувда муассаса директори, доктор Риҳам Абдуллоҳ томонидан Обсерваториянинг асосий миссияси ҳисобланган – ислом динига ёт бўлган ғояларни кузатиб бориш, таҳлил қилиш ва уларга қарши илмий асосланган раддиялар бериш тизими бўйича тақдимот қилинди.
Хусусан, бугунги кунда энг долзарб масалага айланган хорижий ахборот маконида ёшлар онгини заҳарлашга қаратилган хуружларга қарши курашиш механизмлари муҳокама марказида бўлди.
Учрашув якунида икки томон ўртасида ўзаро ҳамкорлик алоқаларини ўрнатиш мақсадида Англашув меморандумини имзолаш ҳамда келгусидаги қўшма лойиҳаларни ўз ичига олган «Йўл харитаси»ни ишлаб чиқишга келишиб олдилар.
Имом Мотуридий халқаро илмий-тадқиқот маркази Матбуот хизмати
