Xalqaro hamkorlik

✍️ Ekstremizmga qarshi kurash boʼyicha al-Аzhar observatoriyasiga tashrif 

 Imom Moturidiy xalqaro ilmiy-tadqiqot markazi delegatsiyasi Misrdagi “Ekstremizmga qarshi kurash boʼyicha al-Аzhar observatoriyasi” faoliyati bilan tanishdi. 

 Uchrashuvda muassasa direktori, doktor Riham Аbdulloh tomonidan Observatoriyaning asosiy missiyasi hisoblangan – islom diniga yot boʼlgan gʼoyalarni kuzatib borish, tahlil qilish va ularga qarshi ilmiy asoslangan raddiyalar berish tizimi boʼyicha taqdimot qilindi. 

 Xususan, bugungi kunda eng dolzarb masalaga aylangan xorijiy axborot makonida yoshlar ongini zaharlashga qaratilgan xurujlarga qarshi kurashish mexanizmlari muhokama markazida boʼldi.

 Uchrashuv yakunida ikki tomon oʼrtasida oʼzaro hamkorlik aloqalarini oʼrnatish maqsadida Аnglashuv memorandumini imzolash hamda kelgusidagi qoʼshma loyihalarni oʼz ichiga olgan «Yoʼl xaritasi»ni ishlab chiqishga kelishib oldilar.

Imom Moturidiy xalqaro ilmiy-tadqiqot markazi Matbuot xizmati