Анқара Йилдирим Боязид университети билан ҳамкорлик
2025-йил 17-октябр куни Имом Мотуридий халқаро илмий-тадқиқот марказига Анқара Йилдирим Боязид университети ректори, профессор Али Чингиз Кўсеўғли ташриф буюрди.
Ташриф давомида Марказ раҳбарияти ва ректор Али Чингиз Кўсеўғли ўртасида мазмунли мулоқот бўлиб ўтди. Суҳбатда алломалар илмий меросини чуқур ўрганиш, уларнинг асарларида кўтарилган умуминсоний ғояларни ёшларга етказиш ҳамда ўзаро алоқаларни ривожлантириш масалалари муҳокама қилинди.
Музокаралар чоғида конференсиялар, семинарлар ва қўшма тадқиқотларни ташкил этиш бўйича аниқ таклифлар кўриб чиқилди. Хусусан, Туркия ва Ўзбекистонда Имом Мотуридий илмий меросига бағишланган илмий анжуманлар ўтказиш, стажировкалар ташкил этиш бўйича фикр алмашилди.
Учрашув якунида ректор Али Чингиз Кўсеўғли Марказ жамоасига миннатдорлик билдириб, бундай ташриф ва мулоқотлар икки томонлама илмий алоқаларни ривожлантириш, шунингдек, буюк мутафаккирлар меросини халқаро миқёсда тарғиб этишда муҳим қадам эканини таъкидлади.
