2025-йил 24-сентябр куни буюк аждодимиз Имом Мотуридий таваллудининг 1155-йиллиги муносабати билан Имом Мотуридий халқаро илмий-тадқиқот маркази томонидан навбатдаги илмий семинар ўтказилди.
Семинарда Имом Мотуридий мажмуасининг 2000-2016-йиллардаги раҳбари Маҳмудхон домла Мухторов "Имом Мотуридий мақбарасининг тикланиш тарихи (1990-2000-йиллар)" мавзусида маъруза қилди.
Маърузада Имом Мотуридий мақбарасининг тарихий ўрнини топиш, қайта тиклаш билан боғлиқ воқеалар ҳақида маълумот берилди. Иштирокчилар ўзларини қизиқтирган саволларга жавоб олдилар.
Маълумки, бугунги кунда Имом Мотуридий мажмуасини қайта таъмирлаш, ҳудудни ободонлаштириш ишлари жадал олиб борилмоқда. Бу каби илмий семинарлар Имом Мотуридий мажмуасидаги қурилиш-таъмирлаш ишларини илмий асосланган ҳолда ташкил қилишда катта аҳамият касб этади.
