Seminar

2025-yil 24-sentyabr kuni buyuk ajdodimiz Imom Moturidiy tavalludining 1155-yilligi munosabati bilan Imom Moturidiy xalqaro ilmiy-tadqiqot markazi tomonidan navbatdagi ilmiy seminar o‘tkazildi.  

 Seminarda Imom Moturidiy majmuasining 2000-2016-yillardagi rahbari Mahmudxon domla Muxtorov "Imom Moturidiy maqbarasining tiklanish tarixi (1990-2000-yillar)" mavzusida ma’ruza qildi. 

 Ma’ruzada Imom Moturidiy maqbarasining tarixiy o‘rnini topish, qayta tiklash bilan bog‘liq voqealar haqida ma’lumot berildi.  Ishtirokchilar o‘zlarini qiziqtirgan savollarga javob oldilar.

 Ma’lumki, bugungi kunda Imom Moturidiy majmuasini qayta ta’mirlash, hududni obodonlashtirish ishlari jadal olib borilmoqda. Bu kabi ilmiy seminarlar Imom Moturidiy majmuasidagi qurilish-ta’mirlash ishlarini ilmiy asoslangan holda tashkil qilishda katta ahamiyat kasb etadi.