9-октябр куни Дин ишлари бўйича қўмита, Имом Мотуридий халқаро илмий-тадқиқот маркази ва Ислом сивилизацияси маркази вакиллари Париж Бош масжидига ташриф буюриб, унинг ректори Шамсиддин Ҳофиз билан учрашди.
1926-йилда очилган ушбу масжид ибодат билан бирга таълим, маърифат ва ижтимоий ёрдамни ҳам ўзида бирлаштирган йирик марказ саналади.
Мулоқот давомида делегация аъзолари масжид ва унинг таркибидаги илмий-маърифий тузилмалар фаолияти билан танишдилар. Томонлар ислом динининг мўтадиллик ва бағрикенглик тамойилларини кенг тарғиб қилиш, буюк алломалар меросини ўрганиш ва имомлар малакасини ошириш йўналишларида ҳамкорлик истиқболларини муҳокама қилдилар.
Учрашувда диний-маърифий соҳада ўзаро тажриба алмашиш ва муштарак йўналишларда ҳамкорликни ривожлантириш масалаларига эътибор қаратилди.
Ташриф якунида масжид кутубхонасига Имом Мотуридий халқаро илмий-тадқиқот марказининг янги нашрлари тақдим этилди.
Шунинг билан, Ўзбекистон делегациясининг Франсияга ташрифи якунланди.
