Олий Мажлис Қонунчилик палатаси ва маҳаллий кенгашлар депутатлари сайловида халқаро кузатувчи сифатида иштирок этиш учун юртимизга ташриф буюрган Оксфорд ислом тадқиқотлари маркази директори Фаҳран Низами Ўзбекистон халқаро ислом академиясида меҳмон бўлди.
Нуфузли меҳмонни Ўзбекистон халқаро ислом академияси ректори Уйғун Ғафуров кутиб олди. Академия ректори таниқли олим билан юзма-юз учрашиб турганидан мамнун эканини билдирди.
Дўстона кайфиятда ўтган суҳбат давомида Фаҳран Низами 2023 йил апрел ойида Ўзбекистон халқаро ислом академияси ҳамда Оксфорд ислом тадқиқотлари маркази ўртасида имзоланган Меморандум натижасида ҳамкорлик алоқалари янада ривож топаётганини эътироф этди.
