2026 йил 7–11 июл кунлари Тошкент, Самарқанд ва Термиз шаҳарларида ўтказилган И Халқаро ислом сивилизацияси форуми доирасида Имом Мотуридий халқаро илмий-тадқиқот маркази хорижлик нуфузли олимлар, уламолар ва академик доира вакиллари билан музокаралар ўтказди. Ана шундай учрашувлардан бири нидерландиялик мотуридийшунос олим Арнолд Ёсин Мол билан бўлиб ўтди.
Мулоқотда Европада мотуридийшуносликнинг бугунги ҳолати, ушбу йўналишда илмий фаолият юритаётган тадқиқотчи ва олимлар, Имом Мотуридий халқаро илмий-тадқиқот марказининг “Эрасмус+” дастурида иштирок этиши истиқболлари муҳокама қилинди.
Арнолд Ёсин Молнинг таъкидлашича, Имом Мотуридий халқаро илмий-тадқиқот марказининг “Эрасмус+” дастурида иштирок этиши унинг Европа давлатларидаги илмий-маданий муассасалар билан ҳамкорликка йўл очади.
Шунингдек, суҳбат давомида Нидерландиянинг Лайден университети ҳамда Роттердам Ислом амалий фанлар университети (ИУАСР) билан алоқаларни ривожлантириш масалалари кўриб чиқилди.
