Ташриф доирасида жорий йилнинг 23 октябр санасида Малайзия исломни англаш институтида томонлар ўртасида учрашув бўлиб ўтди. Учрашувда диний-маърифий соҳада икки томонлама ҳамкорлик алоқаларини янада ривожлантириш, жумладан, ҳамкорликда конференсия ва семинарлар ташкил этиш, долзарб мавзуларга бағишланган илмий мақолалар чоп этиш, Мовароуннаҳр заминидан етишиб чиққан буюк мутафаккир алломаларнинг ҳаёти ва бой илмий-маънавий меросига бағишланган кўрсатув ва эшиттиришлар тайёрлаш ҳамда уларнинг Малайзиядаги намойишини амалга ошириш каби бир қатор муҳим масалалар муҳокама қилиниб, келишувларга эришилди.
Эътиборлиси, музокаралар давомида Малайзия ислом санъати музейида Ўзбекистоннинг қадимий ва бой тарихи, зиёрат туризми имкониятларини намойиш этувчи кўчма фото кўргазма ташкил этиш масалалари муҳокама қилинди.
