Имом Мотуридий халқаро илмий-тадқиқот маркази вакилларининг
ал-Азҳар университетида таҳсил олаётган ўзбекистонлик талабалар билан давра суҳбати бўлиб ўтди.
Унда мамлакатимизда амалга оширилаётган ислоҳотлар, хусусан, давлатимиз Раҳбари ташаббуслари билан барпо этилган Ўзбекистондаги Ислом сивилизацияси маркази ҳамда Имом Бухорий мажмуасининг илмий-маърифий масканга айланаётгани, шунингдек, Имом Мотуридий, Имом Бухорий, Имом Термизий, Баҳоуддин Нақшбанд каби илмий-тадқиқот марказларининг фаолияти талабаларга етказилди.
Шунингдек, учрашувда Марказ илмий ходимлари анъанавий мотуридий таълимотидаги мўтадиллик, бағрикенглик масалаларини тушунтириб, адашган оқимлар таъсирига тушишни олдини олиш бўйича тегишли тавсиялар бердилар.
Талабалар ўзларини қизиқтирган саволларга жавоб олиб, келгусида Марказ билан ҳамкорликда илмий тадқиқот йўналишида лойиҳаларни амалга ошириш бўйича қатор таклифлар билдирдилар.
Суҳбат якунида, талабаларга Марказ китоблари тақдим этилди.
Имом Мотуридий халқаро илмий-тадқиқот маркази
Матбуот хизмати
