Имом Мотуридий мажмуасидаги бунёдкорлик ишлари
Имом Мотуридий халқаро илмий-тадқиқот маркази буюк аллома дафн этилган тарихий Чокардиза қабристонидаги қурилиш-таъмирлаш ишларини илмий асосда ташкил этишда кўмак кўрсатиб келмоқда.
Шу мақсадда 2025-йил 4-октябр куни Имом Мотуридий халқаро илмий-тадқиқот маркази, Самарқанд археология институти, Самарқанд давлат университети илмий ходимларидан иборат гуруҳ қурилиш майдонида бўлиб, бу ерда амалга оширилаётган барча ишларнинг илмий асосда, тўғри ташкил этилишига кўмаклашиш, улуғ аллома аждодларимиз қабртошларидаги битикларни ўқиш, ундаги маълумотларни илмий истифодага киритиш бўйича маслаҳат ўтказдилар.
Жумладан, буюк фақиҳ Бурҳониддин Марғиноний дафн этилган жойни илмий манбаларда келган ишончли маълумотлар асосида аниқлаш бўйича фикр алмашилди.
