Imom Moturidiy majmuasidagi bunyodkorlik ishlari
Imom Moturidiy xalqaro ilmiy-tadqiqot markazi buyuk alloma dafn etilgan tarixiy Chokardiza qabristonidagi qurilish-taʼmirlash ishlarini ilmiy asosda tashkil etishda koʻmak koʻrsatib kelmoqda.
Shu maqsadda 2025-yil 4-oktyabr kuni Imom Moturidiy xalqaro ilmiy-tadqiqot markazi, Samarqand arxeologiya instituti, Samarqand davlat universiteti ilmiy xodimlaridan iborat guruh qurilish maydonida boʻlib, bu yerda amalga oshirilayotgan barcha ishlarning ilmiy asosda, toʻgʻri tashkil etilishiga koʻmaklashish, ulugʻ alloma ajdodlarimiz qabrtoshlaridagi bitiklarni oʻqish, undagi maʼlumotlarni ilmiy istifodaga kiritish boʻyicha maslahat oʻtkazdilar.
Jumladan, buyuk faqih Burhoniddin Margʻinoniy dafn etilgan joyni ilmiy manbalarda kelgan ishonchli maʼlumotlar asosida aniqlash boʻyicha fikr almashildi.
