Индонезиянинг "Калимантанпост" газетаси сайтида"Имом Мотуридий: Аҳли сунна вал-жамоа отаси" сарлавҳали мақола эълон қилинди.
Мақолада буюк аждодимиз Аб-у Мансур Мотуридийнинг ислом тафаккуридаги ўрни ва унинг илмий мероси ҳақида муҳим маълумотлар келтирилган.
Хусусан, мақолада Самарқанд шаҳрида "Мотуридийлик таълимоти ва ҳозирги замон" мавзусида миллий илмий-амалий конференсия бўлиб ўтгани хабар қилинади. Унда Самарқанд давлат университети профессор-ўқитувчилари, Имом Мотуридий халқаро тадқиқот маркази, Имом Бухорий ва Имом Термизий марказлари, Самарқанд Археология институтиолимлари қатнашди. Тадбир доирасида Имом Мотуридий халқаро тадқиқот маркази томонидан амалга оширилган илмий ишлар ҳақида маълумот берилди.
Мақолада таъкидланганидек, мотуридийлик таълимоти бутун ислом оламида, жумладан, Марказий Осиёдан Индонезиягача, аҳли сунна вал жамоа ақидасининг фундаментал асоси бўлиб хизмат қилмоқда. Имом Мотуридийнинг асарлари нафақат ислом уламолари, балки бутун мусулмон олами учун қимматли меросдир.
