2025-йил 12-ноябр куни Имом Мотуридий халқаро илмий-тадқиқот маркази томонидан Ўзбекистон халқаро исломшунослик академиясида "Исломда бағрикенглик тамойиллари" мавзусида давра суҳбати ўтказилди.
Тадбирда Имом Мотирудий халқаро илмий-тадқиқот маркази бўлим бошлиғи Абдуллатиф Аллоқулов ва катта илмий ходими Улуғбек Жўрайев маъруза қилдилар.
Маърузада тингловчиларга ислом қадриятлари, унинг тинчликпарварлик моҳияти, ёшларни диний бағрикенглик ва умуминсоний қадриятларга ҳурмат руҳида тарбиялаш, диний бағрикенглик тушунчасининг аҳамияти, бағрикенглик тамойилларини таъминлашда халқаро тажриба, қонунчилик асослари, ислом динига ёт радикал қарашлар, экстремизмга қарши муросасизлик туйғусини шакллантириш зарурати таъкидланди.
Тадбир якунида талабалар ўзларини қизиқтирган саволларга жавоб олдилар.
