2025-йилнинг 13 ноябр куни Мир Араб Олий мадрасасида "Глобаллашув даврида соф ақида ва тасаввуф масалалари" мавзусида халқаро илмий-амалий анжуман бўлиб ўтди.
Тадбирда Имом Мотуридий халқаро илмий-тадқиқот маркази бўлим бошлиғи Абдуллатиф Аллоқулов "Мотуридийлик таълимоти тафвиз ва таъвил методологияси" ҳамда марказ етакчи илмий ходими Аҳмад Саъд Даманхурий "Тасаввуф ва калом илми ўртасидаги маърифий уйғунлик" мавзусида маъруза қилди.
Анжуманнинг асосий мақсади — глобаллашув жараёнида юзага келаётган долзарб ақидавий ва фиқҳий масалаларни илмий жиҳатдан чуқур ўрганиш ҳамда уларнинг ечими бўйича илмий тавсиялар ишлаб чиқишдан иборат.
