✍️ Ал-Азҳар мажмуаси билан диний-маърифий соҳада ҳамкорликни кенгайтириш бўйича келишувларга эришилди
26-январ куни Миср Араб Республикасидаги нуфузли ал-Азҳар мажмуаси Бош қароргоҳида Имом Мотуридий халқаро илмий-тадқиқот маркази делегацияси ҳамда ал-Азҳар ҳузуридаги илмий-тадқиқот марказлари раҳбарлари ўртасида учрашув бўлиб ўтди.
Унда ал-Азҳар шайхининг ўринбосари доктор Муҳаммад Дувайний, Имом Ашъарий маркази директори, ал-Азҳар Катта уламолари кенгаши аъзоси шайх Ҳасан Шофеий ҳамда Ислом тадқиқотлари академияси бош котиби Муҳаммад Абдуд Дойим Жундий иштирок этди.
Учрашувда икки давлат Раҳбарлари ташаббуслари билан диний-маърифий соҳада амалга оширилаётган ислоҳатлар эътироф этилиб, илмий-тадқиқот ва таълим соҳасидаги ҳамкорликни кенгайтириш бўйича қатор таклифлар билдирилди.
Хусусан, буюк алломалар меросини чуқур ўрганиш, қўлёзма манбаларни тадқиқ этиш ҳамда ислом динининг инсонпарварлик, бағрикенглик моҳиятини кенг тарғиб қилишга қаратилган тадқиқотларни амалга ошириш бўйича келишувга эришилди.
Имом Мотуридий ва Имом Ашъарий марказлари ўртасида илмий-тадқиқот алоқаларини мустаҳкамлаш мақсадида икки томонлама меморандум имзолаш бўйича амалий ишлар бошланди.
Имом Мотуридий халқаро илмий-тадқиқот маркази
Матбуот хизмати
