Малайзиянинг илмий марказлари Ўзбекистон билан ҳамкорликдан мамнун
Ўзбекистон делегациясининг Малайзияга ташрифи доирасида 20 январ куни Малайзия исломни англаш институтида учрашув ташкил этилди. Унда Институт директори Муҳаммад Аъзам бин Муҳаммад Одил иштирок этди.
Учрашувда Малайзия ва Ўзбекистоннинг диний-маърифий йўналишдаги таълим ва илмий-тадқиқот муассасалари ўртасидаги ҳамкорлик масалалари муҳокама қилинди.
Институт директори Муҳаммад Аъзам бин Муҳаммад Одил сўнгги йилларда Ўзбекистон Президенти Шавкат Мирзиёйев ташаббуси билан диний соҳада кенг кўламли ислоҳотлар амалга оширилгани, бу ижобий ўзгаришларни Малайзиядаги илмий доиралар хурсандчилик билан қабул қилаётганини таъкидлади. Исломни англаш институти Ўзбекистондаги халқаро илмий-тадқиқот марказлари билан ҳамкорликдан мамнун эканини қайд этди.
Учрашув самимий ва дўстона руҳда ўтди.
