Xalqaro hamkorlik

Malayziyaning ilmiy markazlari O‘zbekiston bilan hamkorlikdan mamnun 
 

O‘zbekiston delegatsiyasining Malayziyaga tashrifi doirasida 20 yanvar kuni Malayziya islomni anglash institutida uchrashuv tashkil etildi. Unda Institut direktori Muhammad A’zam bin Muhammad Odil ishtirok etdi. 
 
 Uchrashuvda Malayziya va O‘zbekistonning diniy-ma’rifiy yo‘nalishdagi ta’lim va ilmiy-tadqiqot muassasalari o‘rtasidagi hamkorlik masalalari muhokama qilindi. 
 
 Institut direktori Muhammad A’zam bin Muhammad Odil so‘nggi yillarda O‘zbekiston Prezidenti Shavkat Mirziyoyev tashabbusi bilan diniy sohada keng ko‘lamli islohotlar amalga oshirilgani, bu ijobiy o‘zgarishlarni Malayziyadagi ilmiy doiralar xursandchilik bilan qabul qilayotganini ta’kidladi. Islomni anglash instituti O‘zbekistondagi xalqaro ilmiy-tadqiqot markazlari bilan hamkorlikdan mamnun ekanini qayd etdi. 
 
 Uchrashuv samimiy va do‘stona ruhda o‘tdi.