Ўзбекистон халқаро исломшунослик академияси ҳамда Имом Мотуридий халқаро илмий-тадқиқот маркази ўртасида «таълим – тадқиқот – амалиёт» интеграциясини чуқурлаштириш ҳамда замонавий дуал таълим тизимини самарали жорий этиш мақсадида талабалар учун ўқув-амалиёт жараёнлари ташкил этилди.
Мазкур жараён ва дуал таълим шакли талабаларнинг назарий билимларини реал илмий-амалий фаолият билан узвий боғлашга, соҳага оид кўникмаларни иш жойининг ўзида шакллантиришга ҳамда келгусида етук мутахассис бўлиб етишишларига хизмат қилади.
Имом Мотуридий маркази томонидан устоз-шогирд анъаналари ҳамда дуал таълим талаблари асосида йўлга қўйилган ушбу тажриба ёш тадқиқотчилар учун улкан амалий мактаб ва профессионал ривожланиш омили бўлиши шубҳасиз.
