Имом Мотуридий халқаро илмий-тадқиқот маркази ва Анқара Йилдирим Боязид университети ҳамкорлигидаги онлайн семинар ўтказилди
2025-йил 29-июл куни Имом Мотуридий халқаро илмий-тадқиқот маркази ва Туркиянинг Анқара Йилдирим Боязид университети ҳамкорлигида "Янги ренессанс сари" мавзусидаги илмий семинарнинг навбатдагиси бўлиб ўтди.
Онлайн семинарда "Мовароуннаҳр мутасаввифлари асарларида мотуридийлик эътиқоди" ҳамда "Имом Мотуридий таълимотида зуҳд ва тасаввуф" мавзусидаги маърузалар тингланди.
Семинар нафақат икки таниқли илмий муассаса ўртасидаги ҳамкорликни янада мустаҳкамлашга, балки ислом илмлари, хусусан, мотуридийлик таълимоти ва тасаввуфни ўрганиш бўйича халқаро миқёсдаги илмий тадқиқотларни ривожлантиришга ҳам хизмат қилади.
Иштирокчилар маърузачиларга ўзларини қизиқтирган саволлар билан мурожаат қилдилар.
Марказ ва университет ўртасидаги бундай илмий мулоқотлар келажакда ҳам давом этиб, ислом сивилизациясининг бой меросини ўрганиш ва кенг жамоатчиликка етказишда муҳим ўрин тутиши мақсад қилинган.
