Шарқ ва Ғарб олимларини бирлаштирган анжуман
Самарқандда Имом Бухорий халқаро илмий-тадқиқот маркази, Неапол Шарқшунослик университети ва ЭРЦ-СЙНЕРГЙ ЭуҚу ("Европа Қуръони") лойиҳаси ҳамкорлигида "Дин ва кўптиллилик: Европа ва Осиё жамиятларида Қуръон ва исломий адабиётларнинг ёйилиши" мавзусида халқаро анжуман бўлиб ўтмоқда.
Анжуманда асосий эътибор Осиёдаги исломий қўлёзмалар ва Қуръон таржималари, шунингдек, Ўзбекистон ва Марказий Осиё олимларининг бу йўналишдаги илмий изланишлари ҳамда сўнгги топилмаларга қаратилди.
Тадбирда Имом Мотуридий халқаро илмий-тадқиқот маркази ходимлари ҳам иштирок этмоқда. Унда Абдуллатиф Аллоқулов Имом Мотуридийнинг "Таъвилот ал-Қуръон" асари ўзбекча таржимасининг ўзига хос хусусиятлари мавзусида маъруза қилди.
