Юқорида маълумот берилганидек, Буюк Британияда бўлиб турган Ўзбекистон делегацияси томонидан Ўзбекистоннинг Лондондаги элчихонасида нуфузли эксперт ва илмий доира вакиллари, мамлакатда истиқомат қилаётган ватандошлар учун Янги Ўзбекистонда диний-маърифий соҳада амалга оширилаётган ислоҳотлар тақдимоти ўтказилди.
Тадбир давомида йиғилганларга Янги Ўзбекистонда диний-маърифий соҳадаги ислоҳотлар, илмий-тадқиқот марказлари, Ўзбекистон халқаро ислом академияси фаолияти ҳақида маълумот тақдим қилинди. Шунингдек, “Янги Ўзбекистонда диний-маърифий соҳадаги ислоҳотлар” мавзусида филм намойиш этилди.
Ўзбекистондаги Ислом сивилизацияси маркази, Имом Бухорий, Имом Мотуридий ва Имом Термизий халқаро илмий-тадқиқот марказлари, Ўзбекистон халқаро ислом академияси фаолияти ва илмий нашрлари тадбир иштирокчиларида катта қизиқиш уйғотди. Делегация аъзолари ватандошлар билан учрашиб, Муфтий Шайх Нуриддин Холиқназарнинг “Ёшларга насиҳат”, “Фитна кўз илғамас хатар”, “Ихтилофли масалалар ечими” каби китобларини тақдим этдилар.
Имом Мотуридий халқаро илмий-тадқиқот маркази
Матбуот хизмати
