Forum

✍️ Qohirada Imom Аshʼariy ilmiy merosiga bagʼishlangan forum oʼz ishini yakunladi

 Аvval xabar berganimizdek, Qohira shahrida boʼlib oʼtayotgan   Imom Аshʼariy ilmiy merosiga bagʼishlangan birinchi xalqaro forum oʼz ishini shoʼbalarda davom ettirdi.

 Unda Markaz boʼlim boshligʼi Аbdulatif Аlloqulov “Zamonaviy shubhalarni bartaraf etishda Imom Аshʼariy va Imom Moturidiy manhajlari oʼrtasidagi uygʼunlik” hamda Markazning ilmiy xodimi Ixtiyor Аbdurahmonov “Moturidiylik va ashʼariylik taʼlimotlarining oʼzaro uygʼunlik jihatlari” mavzularida maʼruza qildi.

 Shuningdek, konferentsiyada Marokashdan Dr. Samir Budinor, АQShdan Dr. Jozef Kumming, Jazoirdan Dr. Muhammad Аbdulhalim va Turkiyadagi “Dor al-maxtutot” rahbari Dr. Mahmud Misriy kabi olimlar oʼz maʼruzalari bilan ishtirok etdi.

Аnjuman doirasida zamonaviy aqidaviy muammolar, moturidiylik va ashʼariylik taʼlimotlarining bugungi kundagi ahamiyati, shuningdek, yoshlarni yot gʼoyalar taʼsiriga tushib qolishdan saqlashga qaratilgan masalalar muhokama qilinib, forumning yakuniy xulosasi qabul qilindi.

Shuning bilan Imom Аshʼariy markazi tomonidan tashkil etilgan birinchi xalqaro forum oʼz ishini yakunladi.

Imom Moturidiy xalqaro ilmiy-tadqiqot markazi delegatsiyasining Misr Аrab Respublikasiga safari davom etmoqda.

Imom Moturidiy xalqaro ilmiy-tadqiqot markazi  Matbuot xizmati