Yangiliklar

"Jaholatga qarshi  ma’rifat" tadbirlari davom etmoqda

 O‘zbekiston davlat xoreografiya akademiyasida yoshlarni sog‘lom fikrli va mustahkam e’tiqodli qilib tarbiyalashga qaratilgan ma’naviy-ma’rifiy tadbir tashkil etildi.

 Tadbirda  Imom Moturidiy xalqaro ilmiy-tadqiqot markazi katta ilmiy xodimi  Ixtiyor Abduraxmonov  ishtirok etib, "Jaholatga qarshi – ma’rifat bilan kurash!" va "Inson huquqlarining ustuvorligi – taraqqiyot poydevori" mavzularida ma’ruza o‘qidi. 

 Ma’ruzada bugungi kunda yoshlar ongini turli zararli g‘oyalar va yot ta’sirlardan asrash, ularni milliy va umuminsoniy qadriyatlarga hurmat ruhida tarbiyalashning ahamiyati haqida so‘z bordi. Shuningdek, inson huquqlari va erkinliklarini ta’minlash, jamiyat taraqqiyotida ma’naviyatning o‘rni, yoshlarning barkamol shaxs bo‘lib ulg‘ayishida ilm-ma’rifatning  ahamiyati alohida ta’kidlandi.

Tadbir jarayonida talabalar o‘zlarini qiziqtirgan savollariga javob olishdi.