Малайзиянинг Халқаро ислом тафаккури ва сивилизацияси институти қошидаги Саййид Муҳаммад Нақиб Аттос кутубхонаси маъмурияти Ўзбекистон Республикаси Президенти муҳтарам Шавкат Мирзиёйев Жаноби Олийларининг исломнинг инсонпарварлик тамойилларини илгари суриш ҳамда динлараро бағрикенгликни мустаҳкамлашга қўшган улкан ҳиссасини эътироф этган ҳолда, Имом Бухорий, Имом Мотуридий, Имом Термизий халқаро илмий-тадқиқот марказлари, Ўзбекистон халқаро ислом академияси ҳамда Ўзбекистондаги Ислом сивилизацияси маркази илмий ходимларига кутубхонанинг ресурсларидан фойдаланиш ҳуқуқини тақдим этади.
Мазкур ҳуқуқ кутубхона фондидаги 100 мингдан зиёд илмий манбалардан фойдаланиш имкониятини беради. Бу эса, исломшунослик соҳасидаги илмий изланишларни янада ривожлантиришга хизмат қилади.
