2022 yildagi Islom olami yoshlar poytaxti — Qozon shahri
Tatariston Respublikasi poytaxti Qozon shahri 2022 yil uchun islom olamining yoshlar poytaxti maqomini olishga erishdi. Qozon shahri Fes (Marokash), Istanbul (Turkiya) va Doxa (Qatar) shaharlari ustidan g‘alaba qozondi. O’tgan yillar davomida Istanbul va Doxa shaharlari allaqachon Islom hamkorlik tashkiloti (IHT) davlatlarining yoshlar poytaxti unvonini olishga muvaffaq bo‘lgan edi.
- Rossiya Islom hamkorlik tashkiloti a’zosi sanalmaydi, lekin shunday bo‘lsada uning tarkibidagi Qozon islomda ming yillik an’analarga ega bo‘lgan shahar, bu yerda Rossiya xalqlari tinch va totuvlikda yashaydi, ushbu shaharda sizda o‘rganadigan narsa mavjud bo‘lib, Qozon shahri rivojlanishi dinamikasi, bu bizning tanlovimizni oldindan belgilab berdi, – deydi IHT Yoshlar forumi rahbari Toha Ayxan. — Bundan tashqari, Qozon sivilizatsiya beshigi bo‘lib, u yerda ko‘plab konfessiya va millatlar o‘zaro bog‘langan, tinchlik timsoli. Shuning uchun ham Tatariston poytaxti Islom olamining yoshlar poytaxti maqomini olishga erishdi.
Toho Ayxan ta’kidlaganidek, IHTning yoshlar poytaxti maqomi Qozonga turli darajadagi – musiqiy, folklor, ilmiy-texnikaviy, konfessiyalararo, adabiy, turistik xalqaro yoshlar forumlarini o‘tkazish huquqini beradi. Oldindan rejalashtirilgan tadbirlar orasida Islom hamkorlik tashkiloti (IHT) Yoshlar global sammiti, sun’iy intellektni rivojlantirish bo‘yicha ilmiy-amaliy konferensiya, IHT mamlakatlari yosh diplomatlari forumi, Qozon sammitining yoshlar bo‘limi (Rossiya — Islom olamining bir qismi - RG sammiti), shuningdek, Qozon yoshlar seksiyasi Xalqaro islom filmlari festivali o‘tkazilishi shular jumlasidandir.
“Qozon shahrining islom olamining yoshlar poytaxti sifatida rasman tan olinishi IHT uchun 20 milliondan ortiq musulmonlar istiqomat qilayotgan Rossiyaning roli muhimligidan dalolat beradi”, - dedi Rossiya Tashqi ishlar vazirligi qoshidagi Yosh diplomatlar kengashi raisi Konstantin Kolpakov. — Zero, IHT bilan munosabatlarimiz oltinchi yildirki izchil rivojlanib bormoqda. Biz, masalan, Qozon, Moskva va Sochi ob’ektlarida turli davlatlarning yosh diplomatlarini to‘playotganimiz ham o‘zaro hamkorlik va o‘zaro ta’sir kuchayib borayotganini anglatadi.
“Rossiyskaya gazeta”ning yozishicha, Qozon 2022 yil fevral oyida IHT Global yoshlar sammitini o‘tkazishga mezbonlik qiladi.
Manba: muslim.uz
Izohlar