13.03.2023
548

O’zbekistondagi diniy ma’rifiy ilmiy-tadqiqot markazlari hamda Al-Azhar Islom tadqiqotlari akademiyasi o‘rtasida aloqalar yanada rivojlantiriladi

Xabar berganimizdek, O’zbekiston Respublikasi Prezidenti Administratsiyasi, O’zbekiston xalqaro islom akademiyasi, Imom Moturidiy va Imom Buxoriy xalqaro ilmiy-tadqiqot markazlari vakillaridan iborat delegatsiya rasmiy tashrif bilan Misr Arab Respublikasida bo‘lib turibdi.

12 mart kuni delegatsiya vakillari al-Azhar islom tadqiqotlari akademiyasi rahbari doktor Nazir Ayyad bilan uchrashuv o‘tkazib, ikki tomonlama hamkorlik aloqalarini yanada rivojlantirish istiqbollarini muhokama qildilar. 

Jumladan, doktor Nazir Ayyad misr va o‘zbek xalqlari madaniy qadriyatlaridagi mushtaraklik ikki mamlakat o‘rtasida azaldan mustahkam do‘stlik rishtalarining shakllanishiga zamin yaratgani, turli sohalar, ayniqsa, ilm-fan yo‘nalishida o‘zaro muntazam hamkorlik aloqalari yo‘lga qo‘yilganini ta’kidlab o‘tdi. Shuningdek, Imom Moturidiy merosi bo‘yicha o‘tkazilgan xalqaro tanlov moturidiylik ta’limotini yanada chuqurroq o‘rganish hamda uni keng targ‘ib qilishda muhim ahamiyat kasb etishi, shu bilan birga, O’zbekiston va Misr o‘rtasida madaniy aloqalarni o‘rnatishda o‘ziga xos ko‘prik vazifasini bajarishiga e’tibor qaratdi.

O’z navbatida, Markaz direktori doktor Jamoliddin Karimov Islom tadqiqotlari akademiyasi Bosh kotibi doktor Nazir Ayyadga Imom Moturidiy hayoti va ilmiy merosi bo‘yicha musobaqani yuqori saviyada o‘tkazishda ko‘maklashgani uchun minnatdorchilik bildirdi. 

Muzokara davomida bu kabi musobaqalarni yanada kengroq ko‘lamda tashkil etish, al-Azhar tadqiqotchilari tomonidan moturidiylik ta’limotiga oid tadqiqotlarni Markazga jalb qilish, o‘zaro kadrlar almashinuvini yo‘lga qo‘yish kabi bir qator masalalar yuzasidan kelishib olindi.

O’zbekiston delegatsiyasining Misr Arab Respublikasiga tashrifi davom etmoqda.

Imom Moturidiy xalqaro ilmiy-tadqiqot markazi

 Matbuot xizmati 

Qo‘shimcha malumot

БМТ динлараро бағрикенглик резолюциясини қабул қилди. Ўзбекистон унинг ҳаммуаллифларидан бири бўлди
Резолюцияда Қуръонни таҳқирлаш ҳолатлари, диний камситиш, нафрат ва зўравонлик ҳолатлари кўпайгани қораланди.25 июль куни БМТ Бош Ассамблеяси 77-сессиясининг ялпи мажлисида...
BMT dinlararo bag‘rikenglik rezolyusiyasini qabul qildi. O‘zbekiston uning hammualliflaridan biri bo‘ldi
Rezolyusiyada Qur’onni tahqirlash holatlari, diniy kamsitish, nafrat va zo‘ravonlik holatlari ko‘paygani qoralandi.25 iyul kuni BMT Bosh Assambleyasi 77-sessiyasining yalpi majlisida...
Al-Azharda Imom Moturidiy merosi bo‘yicha o‘tkazilgan xalqaro tanlov g‘oliblari taqdirlandi
2023 yil 12 mart kuni Misr Arab Respublikasining al-Azhar anjumanlar saroyida Imom Moturidiy xalqaro ilmiy-tadqiqot markazi tomonidan Imom Moturidiy merosi...

Izoh qoldirish

Izohlar

Мы в соц сетях

Aloqa

Telefon:
E-mail:
Manzil:
©2024 All Rights Reserved. This template is made with by Cherry