TASHRIF

Turkiyaning nufuzli oliygohlaridan biri Kutahya Dumlupinar universiteti rektori professor Kozim Uysal  va Kutahya Dumlupinar universiteti tarkibidagi Bakalavriatdan keyingi ta’lim instituti direktori professor Shohmurod Arik  O‘zbekiston xalqaro islom akademiyasiga tashrif buyurdi. Tashrif doirasida martabali mehmonlar O‘zbekiston xalqaro islom akademiyasi rahbariyati hamda Imom Moturidiy xalqaro ilmiy-tadqiqot markazi ilmiy xodimlari bilan uchrashdilar.

Uchrashuvda Kutahya Dumlupinar universiteti va O‘zbekiston xalqaro islom akademiyasi o‘rtasidagi hamkorlikni yanada kengaytirish hamda o‘zaro aloqalarga doir kelgusidagi istiqbolli reja va loyihalar muhokama qilindi.

Tashrif davomida professor Kozim Uysal  va  Shohmurod Arik  O‘zbekiston xalqaro islom akademiyasi va Imom Moturidiy xalqaro ilmiy-tadqiqot markazi faoliyati bilan yaqindan tanishdilar. Shuningdek, martabali mehmonlar  O‘zbekiston xalqaro islom akademiyasining Manbalar hazinasida ham bo‘lib, qadimiy qo‘lyozma manbalar bilan tanishdilar.

Kutahya Dumlupinar universiteti rektori professor Kozim Uysal hamda  Professor Shohmurod Arik  janoblarining mamlakatimiz bo‘ylab tashrifi davom etmoqda.