#TAQDIMOT
Ayni damda Buxoro viloyatidagi “Mir arab” oliy madrasasida Imom Moturidiy xalqaro ilmiy-tadqiqot markazi tomonidan nashr qilingan “Kitoblar” taqdimoti tadbiri o‘tkazilmoqda.
Taqdimotda buyuk allomalarimizning ilmiy merosini keng jamoatchilikka yetkazish yuzasidan bugungi kunga qadar Markaz tomonidan nashr etilgan 30 dan ziyod kitob, jumladan, Imom Moturidiyning “Ta’vilot al-Qur’on” asari 29-juzi, Mulla Ali Qorining “Sharh al-Fiqh al-akbar”, Burhoniddin Marg‘inoniyning “Hidoya” asarlarining o‘zbek tilidagi ilmiy-izohli tarjimalari taqdim etilmoqda.
Shu bilan bir qatorda, O’zbekiston zaminidan yetishib chiqqan olimlar hayoti va ilmiy merosini o‘rganishga bag‘ishlangan 10 ta xalqchil risola, zamonaviy islomshunoslik masalalariga doir 6 ta kitob, 6 ta aqida matnlari, turli mavzularga oid o‘quv-uslubiy qo‘llanma, kitob va risolalar hamda “Moturidiylik” ilmiy-ma’rifiy jurnalining nishona soni ham namoyish etilmoqda.
Shuningdek, O’zbekiston xalqaro islom akademiyasi Manbalar xazinasi ilmiy xodimi, tarix fanlari bo‘yicha falsafa doktori Lobar Asrorovaning “Tariqatning yetti piri”, “Buxoroni sharif etgan zot Sayfuddin Boxarziy”, “Abu Hafs Kabir Buxoriy” rus va o‘zbek tillarida, “Buxoro madrasalari tarixidan”, “Xoja Mahmud Anjir Fag‘naviy va Miri Xurd Vobkandiy” kabi kitob va risolalari ham taqdimotdan joy olgan.
Izohlar