Islom Hamkorlik Tashkilotida yangi rahbar ish boshladi
Islom hamkorlik tashkiloti bosh kotibi Husayn Ibrohim Toho kecha, 2021 yil 17 noyabr chorshanba kuni o‘z lavozimiga kirishdi, deb xabar tarqatdi www.arabnews.com sayti.
2020 yilning noyabr oyida Niger poytaxti Niamey shahrida IHT ga a’zo davlatlarning Tashqi ishlar vazirlari kengashining 47-sessiyasi bo‘lib o‘tgan, unda tashkilotga yangi rahbar etib Husayn Ibrohim Toho saylangan edi.
Toho o‘z mamlakatida tashqi ishlar, Afrika integrasiyasi va xalqaro hamkorlik vaziri, Niger prezidentining diplomatik maslahatchisi, muxtor vazir hamda Fransiya, Ispaniya, Portugaliya, Gresiya va boshqa mamlakatlarda elchi bo‘lib ishlagan.
Fransuz, arab va ingliz tillarini biladigan IHTning yangi rahbari Chad milliy ordeni, Fransiyaning Faxriy legioni milliy ordeni va faxriy elchi unvonlari bilan taqdirlangan.
Eslatib o‘tamiz, IHT rahbarining vakolat muddati besh yil.
Izohlar