Dr. Faysal Hafayon

Doktor Faysal Hafayon matnlarni amaliy va nazariy jihatdan tahqiq qilish, qo‘lyozmalar kodikologiyasi va arab tili tadqiqotlari bo‘yicha mutaxassis olimlardan sanaladi.
Faysal Hafayon 1959 yilda Suriyaning Hims shahrida dunyoga kelgan. 1978 yilda al-Azhar universitetining Arab tili va adabiyoti fakultetini tamomlagan. 1988 yilda “Yetti qiroatni asoslash dalili” nomli dissertasiyasi bilan mazkur fakultetda magistr darajasini olgan. 1999 yilda ayni fakultetda Tillar bo‘yicha doktorlik unvonini qo‘lga kiritgan.
Faysal Hafayon ko‘plab konferensiya va simpoziumlarda faol qatnashib kelmoqda. Olimning bir qator kitob, maqola, fehrist va ilmiy ishlari nashr qilingan.
Faysal Hafayon Arab qo‘lyozmalari instituti direktori, Arab tadqiqotlari markazi direktori lavozimlarida ishlab kelmoqda. U Liviya poytaxti Tripolidagi Arab tili jamiyati, Damashqdagi Arab tili jamiyati, Iskandariyadagi Qo‘lyozmalar markazi boshqaruv majlisi, Islom qo‘lyozmalari hay’ati (TIMA) a’zosi sanaladi.