Delegatsiya a’zolarining navbatdagi tashrif manzili IRSIKA
Imom Moturidiy va Imom Buxoriy xalqaro ilmiy-tadqiqot markazlari ilmiy xodimlaridan iborat delegatsiya a’zolari Islom hamkorlik tashkiloti (OIS)ning Islom tarixi, san’ati va madaniyatini tadqiq qilish Markazi (IRCICA) tashkilotiga tashrif buyurdilar. Delegatsiya a’zolari va IRSIKA rahbariyati, jumladan, tashkilot direktor o‘rinbosari, tadqiqotlar va nashrlar bo‘limi boshlig‘i, hamda boshqa bir qator mas’ullar ishtirokida uchrashuv bo‘lib o‘tdi.
Uchrashuv davomida ikki tomonlama hamkorlikni yanada rivojlantirish yuzasidan muzokara olib borildi. Xususan, Imom Moturidiy va Imom Buxoriy xalqaro ilmiy-tadqiqot markazlari hamda IRSIKA tashkiloti bilan birgalikda xalqaro simpozium o‘tkazish, IRSIKA kataloglaridan foydalanish, tashkilot bilan hamkorlikda nashrlarni amalga oshirish, Imom Moturidiy va Imom Buxoriy ilmiy merosi yuzasidan yozilgan asarlar katalogini yaratish, O’zbekistonda islom san’atlari, xususan, xattotlik, qog‘ozchilik va minyatura kabi islom amaliy san’atlari bo‘yicha ko‘rgazma va konferensiya o‘tkazish, shuningdek, o‘zaro tajriba almashish hamda IRSIKA yordamida o‘zbekistonlik tadqiqotchilarning malaka oshirish dasturlarini tashkil etish kabi masalalar muhokama qilindi.
Tashrif davomida ikki Markaz tomonidan nashr qilingan kitoblar taqdimoti ham o‘tkazildi hamda mazkur kitoblar IRSIKA kutubxonasiga topshirildi.
Izohlar