Qo‘lyozmalarni o‘rganish yuzasidan xalqaro konferensiya o‘z ishini boshladi
Imom Moturidiy va Imom Buxoriy xalqaro ilmiy-tadqiqot markazlari vakillaridan iborat delegasiyaning Turkiya Respublikasiga tashrifining uchinchi kuni Istanbul shahridagi Sulton Ahmad majmuasida joylashgan Dorul Maxtutot markazida "Hijriy yettinchi asr qo‘lyozmalari: ilmlar va olimlar" nomli xalqaro konferensiya o‘z ishini boshladi.
Unda dunyoning turli mamlakatlaridan o‘ttizga yaqin olimlar ishtirok etmoqda. Imom Moturidiy xalqaro ilmiy-tadqiqot markazi direktori Davronbek Maxsudov ham konferensiyada o‘z ma’ruzasi bilan ishtirok etmoqda.
Konferensiya ochilish marosimida Shayx Muhammad Avvoma, Dorul Maxtutot direktori doktor Mahmud Misriy va yana bir qator nufuzli olimlar so‘zga chiqdilar va bugungi kunda qo‘lyozmalarni o‘rganishning ahamiyati, bu ilmning o‘ziga xos jihatlari haqida so‘z yuritdilar.
Konferensiya doirasida bir necha qo‘lyozmalardan namunalar ham ko‘rgazmaga qo‘yilgan, jumladan, yurtdoshimiz Abu Ali Ibn Sinoning Zohiriyya kutubxonasida saqlanuvchi “Al-Ishorat vat Tanbihot” asari nusxasi ham namoyish etilmoqda.
Izohlar