E'TIROF

 Movarounnahr islom tamaddunining beshigi

Movarounnahr islom tamaddunining beshigi hisoblanadi. Tarixda islom madaniyati dunyoning turli mintaqalarida kuzatilgan bo‘lsa-da, biroq hech qaysi yurtda u Movarounnahrda bo‘lgani kabi gullab-yashnamagan. Jumladan, Bag‘dod, Andalus, Shom kabi diyorlarda islom madaniyati muayyan davr oralig‘ida rivojlangan bo‘lsa, Movarounnahrda bu narsa hozirgi kunga qadar kuzatib kelinmoqda. Shu sababli bugungi kunda O’zbekiston islom sivilizatsiyasining tarixda erishgan shonli mavqeini qayta tiklashda muhim o‘rin tutadi.

Biz barchamiz Imom Buxoriyni sevamiz. Imom Moturidiyga bo‘lgan muhabbatimiz cheksiz. Shu bilan bir qatorda, yangi Imom Buxoriylaru Imom Moturidiylarga ham muhtojmiz. Moturidiylik ta’limotini chuqur o‘zlashtirgan, bugungi kunning dolzarb masalalariga yechim topa oladigan kadrlarni tayyorlash dolzarb vazifa bo‘lib turibdi. Bu borda O’zbekiston bilan har qanday hamkorlikka tayyormiz.

Men Samarqanddagi Shohi Zinda majmuasini ziyorat qilganimda shunday duo qilgan edim: “Allohim, daryolar qayta oqsin. Biroq suvga emas, balki ilmga to‘lib oqsin”. Daryolar deganda men Sayhun va Jayhun daryolarini nazarda tutgan edim. Mening nazdimda Samarqand ko‘chalarini kezishning o‘zi ulkan baxt, bir ilm hisoblanadi. O’zbekiston mana shunday muqaddas yurtdir.

Professor, doktor Mehmet Go‘rmez,
Islom tafakkuri instituti direktori