TASHRIF

Turkiyaning eng nufuzli oliygohlaridan biri Anqara Yildirim Boyazid universiteti rektori Professor Ibrohim Aydinli O‘zbekiston xalqaro islom akademiyasiga tashrif buyurdi. Tashrif doirasida martabali mehmon O‘zbekiston xalqaro islom akademiyasi hamda Imom Moturidiy xalqaro ilmiy-tadqiqot markazi xodimlari bilan uchrashdi.

Uchrashuvda Anqara Yildirim Boyazid universiteti va O‘zbekiston xalqaro islom akademiyasi o‘rtasidagi hamkorlikni yanada kengaytirish hamda o‘zaro aloqalarga doir kelgusidagi istiqbolli reja va loyihalar muhokama qilindi.

Tashrif davomida Professor Ibrohim Aydinli O‘zbekiston xalqaro islom akademiyasi va Imom Moturidiy xalqaro ilmiy-tadqiqot markazi faoliyati bilan yaqindan tanishdi. Shuningdek, martabali mehmon  O‘zbekiston xalqaro islom akademiyasining Manbalar hazinasida ham bo‘lib, qadimiy qo‘lyozmalar bilan tanishdi.

Anqara Yildirim Boyazid universiteti rektori Professor Ibrohim Aydinli janoblarining mamlakatimiz bo‘ylab tashrifi davom etmoqda.