Imom Moturidiy ilmiy merosi bo‘yicha xalqaro tanlov g‘oliblari Markazda
Imom Moturidiy merosi bo‘yicha misrlik tadqiqotchilar o‘rtasida o‘tkazilgan xalqaro tanlov g‘oliblari – al-Azhar universiteti professor-o‘qituvchilari doktor Amol Usmon, doktor Avvod Mahmud Avvod va doktor Muhammad Mish’allar 2023-yil 2-may kuni Imom Moturidiy xalqaro ilmiy-tadqiqot markaziga yetib keldilar.
Misrlik tadqiqotchilar Markaz rahbariyati tomonidan kutib olinib, Imom Moturidiy va moturidiylik ta’limotini o‘rganish hamda keng targ‘ib qilish yuzasidan bu yerda amalga oshirilayotgan ishlar bilan yaqindan tanishdilar.
Ta’kidlash kerakki, misrlik tadqiqotchilarning O’zbekistonga tashrifi yuzasidan ishlab chiqilgan dasturga muvofiq, Toshkent, Buxoro va Samarqand shaharlaridagi ta’lim muassasalari, ilmiy-tadqiqot markazlari hamda diqqatga sazovor ziyoratgohlarga tashriflar, soha bo‘yicha ta’lim olayotgan magistr va tadqiqotchilar bilan uchrashuvlar, mahorat darslari hamda boshqa ma’naviy-ma’rifiy tadbirlarni tashkillashtirish rejalashtirilgan.
Imom Moturidiy xalqaro ilmiy-tadqiqot markazi
Matbuot xizmati
Izohlar