Markaz direktori Misr Arab Respublikasining nufuzli nashri muxbiriga intervyu berdi

Mazkur intеryu 2023 yil 13 aprel kuni Misr Arab Respublikasining nufuzli nashrlaridan biri hisoblangan “al-Ahrom” gazetasida “Maqsadimiz – insonlar orasida vasatiylik, mo‘tadillik va bag‘rikenglik tamoyillarini yoyish” nomi ostida e’lon qilindi.

Intervyuda Imom Moturidiy xalqaro ilmiy-tadqiqot markazining tashkil etilishi, uning Imom Moturidiy va moturidiylik ta’limotini o‘rganish hamda keng targ‘ib qilishdagi roli, maqsad va vazifalari, ilmiy-tadqiqot va xalqaro aloqalar yo‘nalishida, xususan, al-Azhar majmuasi bilan o‘rnatilgan hamkorlik doirasida olib borilayotgan ishlar, O‘zbekistonda diniy-ma’rifiy sohada amalga oshirilayotgan islohotlar, ayniqsa buyuk mutafakkir allomalar ilmiy merosini o‘rganishga ko‘rsatilayotgan yuksak e’tibor haqida atroflicha to‘xtalib o‘tilgan. 

Ta’kidlash lozimki, ushbu maqola O‘zbekiston ilmiy jamoatchiligining xalqaro ko‘lamdagi nufuzini yuksaltirish bilan bir qatorda, Markaz faoliyatini arab mamlakatlarida keng targ‘ib qilishga, shu asosda moturidiylik aqidaviy mazhabi mo‘tadil ta’limotini keng jamoatchilikka yetkazishda muhim ahamiyat kasb etadi.   

Imom Moturidiy xalqaro ilmiy-tadqiqot markazi

 Matbuot xizmati